ЭХ-ний Сайдын 2024.09.12-ны А/193 тоот тушаалаар “Эрчим хүчний салбарын дотоод аудиторуудын зөвлөгөөн”-ийг батлагдсан хөтөлбөрийн дагуу 2024 оны 09 дүгээр сарын 20-ны өдөр ДЦС-2 ТӨХК дээр амжилттай зохион байгуулагдлаа. ЭХЯ-ны ХШҮДАГ-ын дарга Х.Бекболат, ДЦС-2 ТӨХК-ийн Гүйцэтгэх захирал Ц.Минжинхүү нар үг хэлж уг зөвлөгөөнийн нээлтийн үйл ажиллагааг эхлүүлэв.
Зөвлөгөөнд Бизкон аудит ХХК-ийн Гүйцэтгэх захирал Л.Отгонбаяр “Төрийн өмчит компанид залилангийн аудит хийх нь”, Эй Жи Ар Си консалтинг аудит ХХК-ийн Сургагч багш П.Гантуул “Байгууллагын дотоод хяналтын системийг үнэлэх нь” сэдвээр тус тус илтгэл тавьж, хэлэлцүүлэг өрнүүллээ. Энэ удаагийн зөвлөгөөн нь салбарын Дотоод аудиторуудын дунд “Нөхөрсөг тэмцээн” зохион байгуулснаараа онцлогтой байлаа. Зөвлөгөөнд нийт 24 байгууллагын 33 оролцогч хамрагдсан байна.
